ഗവേഷണത്തില്‍ താത്പര്യമുള്ളവര്‍ക്ക് തിളങ്ങാന്‍ മോളിക്യൂലാര്‍ ബയോളജി

 

▪️അടുത്തകാലത്തായി സാധ്യതയേറി വരുന്ന മേഖലയാണ് മോളിക്യൂലാർ ബയോളജി, പ്രത്യേകിച്ചും കോവിഡ് കാലത്തിനിപ്പുറം. ജീവശാസ്ത്ര വിഷയങ്ങളിൽ ഏറെ ഗവേഷണ സാധ്യതയുള്ള ഇന്റർഡിസിപ്ലിനറി ശാഖയാണിത്. 

♦️പുതിയ കരിയർ അപ്ഡേഷനുകൾ അറിയാൻ കരിയർ ടീം യുണൈറ്റഡിൽ ജോയിൻ ചെയൂ👇🏻

https://chat.whatsapp.com/IrS6oO5tgCQ3gFArWosI66

▪️മെഡിസിൻ, വെറ്ററിനറി, കാർഷിക ഗവേഷണ മേഖലകളിലും മോളിക്യൂലാർ ബയോളജിക്ക് പ്രാധാന്യമുണ്ട്. മോളിക്യൂലാർ, സെല്ലുലാർ തലത്തിലുള്ള ഗവേഷണവും സാങ്കേതികവിദ്യകളും ഈ ശാസ്ത്രശാഖയിൽ പ്രവർത്തികമാക്കിവരുന്നുണ്ട്.

▪️മൈക്രോബയോളജി, മെഡിസിൻ, ഫിസിയോളജി, ഫാർമകോളജി, സൈറ്റോ ജനറ്റിക്സ്, ബയോകെമിസ്ട്രി, രോഗനിർണ്ണയം, പുത്തൻ മരുന്നുകളുടെ നിർമ്മാണം, ഫർമക്കോ കൈനറ്റിക്സ്, ബയോകെമിസ്ട്രി, ബയോ ടെക്നോളജി, ജീനോമിക് പഠനം എന്നിവ ചേർന്ന ഒരു സംയോജിത പഠന മേഖലയാണ് മോളിക്കുലാർ ബയോളജി. സൂക്ഷ്മാണുക്കളുടെ ജനിതക ഘടന വിശകലനം, ഡി.എൻ.എ./ആർ.എൻ.എ. വാക്സിൻ നിർമ്മാണം, രോഗാണുക്കളുടെ ജനിതകഘടന വിലയിരുത്തിയുള്ള വാക്സിൻ ഉത്പാദനം മുതലായവ മൈക്രോ ബയോളജിയിലൂടെ പ്രവർത്തികമാക്കിവരുന്നു. സൂക്ഷ്മാണുക്കളുടെ ജനിതക വിശകലനം അവയുടെ രോഗനിർണ്ണയ ശേഷി, തീവ്രത, ആന്റിബയോട്ടിക്കുകൾക്കെതിരായുള്ള പ്രതിരോധ ശേഷി മുതലായവ നിരീക്ഷിക്കാൻ സഹായിക്കും.

🔻പുത്തൻ മരുന്നുകളുടെ നിർമ്മാണം, രോഗ പ്രതിരോധശേഷി വിലയിരുത്തൽ, ജനറ്റിക് എൻജിനീയറിങ് സാധ്യതകൾ, ജനിതക രോഗങ്ങളുടെ നിയന്ത്രണം, റീജനറേറ്റീവ് ബയോളജി, ബയോ എൻജിനീയറിങ് എന്നിവ മോളിക്യൂലർ ബയോളജിയിൽ ഉൾപ്പെടുന്നു.

▪️വ്യക്തിഗത മരുന്നുകളുടെ നിർമ്മാണവുമായി ബന്ധപ്പെട്ട ഗവേഷണത്തിൽ മോളിക്യൂലാർ ബയോളജിക്ക് അനന്തസാധ്യതകളുണ്ട്. അൾഷിമേഴ്സ്, പാർക്കിൻസൺസ് തുടങ്ങിയ മാറാരോഗങ്ങളുടെ ചികിത്സയിൽ മോളിക്യൂലാർ ബയോളജി ഗവേഷണം ഫലപ്രദമായ കണ്ടെത്തലുകൾക്ക് രൂപം നൽകിയിട്ടുണ്ട്. മെഡിക്കൽ ന്യൂറോ സയൻസ്, ഫോറൻസിക് സയൻസ്, സ്റ്റെം സെൽ തെറാപ്പി, കാൻസർ രോഗനിർണ്ണയം, ചികിത്സ എന്നിവയിൽ ഏറെ ഗവേഷണ സാധ്യതകൾ ഈ മേഖലയിലുണ്ട്. സുസ്ഥിര വികസനം ലക്ഷ്യമിട്ടുള്ള ബയോടെക്നോളജി ഗവേഷണ രംഗത്തും മോളിക്യൂലാർ ബയോളജി പ്രധാനപ്പെട്ട പങ്കു വഹിക്കുന്നു.

എവിടെ പഠിക്കാം⁉️

🔻മോളിക്യുലാർ ബയോളജിയിൽ താത്പര്യമുള്ള വിദ്യാർത്ഥികൾക്ക് തെരഞ്ഞെടുക്കാൻ നിരവധി കോഴ്സുകളുണ്ട്. ഇവയിൽ ബിരുദ കോഴ്സുകൾ ഇന്ത്യയിൽ കുറവാണ്. ബിരുദാനന്തര, ഡോക്ടറൽ, പോസ്റ്റ് ഡോക്ടറൽ കോഴ്സുകളാണേറെയും. പ്ലസ്ടു പൂർത്തിയാക്കിയ വിദ്യാർഥികൾക്ക് മോളിക്യൂലാർ ബയോളജിയിൽ ബി.എസ്സി. ബിരുദ പ്രോഗ്രാമിന് ചേരാം. ജീവശാസ്ത്രമേഖലയിലെ സുവോളജി,ബയോകെമിസ്ട്രി, ബയോടെക്നോളജി, ബയോമെഡിക്കൽ സയൻസ്, ഫിസിയോളജി, ഫോറൻസിക് സയൻസ്, വെറ്ററിനറി സയൻസ്, മെഡിസിൻ, ഡെന്റിസ്ട്രി, നഴ്സിങ് മുതലായ കോഴ്സുകൾ പഠിച്ചവർക്കും മോളിക്യൂലാർ ബയോളജിയിൽ രാജ്യത്തിനകത്തും വിദേശത്തും ബിരുദാനന്തര ബിരുദ കോഴ്സുകൾ പഠിക്കാം.

▪️കോമൺ യൂണിവേഴ്സിറ്റി എൻട്രൻസ് പരീക്ഷ-(CUET) യെഴുതി ഇന്ത്യയിൽ മോളിക്യൂലാർ ബയോളജി ബിരുദ, ബിരുദാനന്തര പഠനം നടത്താം. തിരുവനന്തപുരത്തെ രാജീവ് ഗാന്ധി സെന്റർ ഫോർ ബയോടെക്നോളജി, ഹൈദരാബാദിലെ സെന്റര് ഫോർ സെല്ലുലാർ ആൻഡ് മോളിക്യൂലാർ ബയോളജി, കേന്ദ്ര- സംസ്ഥാന- കൽപിത- ഡീംഡ് സർവ്വകലാശാലകൾ, അസിം പ്രേംജി യൂണിവേഴ്സിറ്റി, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ്, ട്രാൻസ്ഡിസിപ്ലിനറി യൂണിവേഴ്സിറ്റി, ബെംഗളൂരു, ഐ.സി.എം.ആർ. (Indian Council of Medical Research), ആയുഷ് , ഐ.സി.എ.ആർ. (-Indian Agricultural Research Institute),സി.എസ്.ഐ.ആർ. (Council of Scientific & Industrial Research) ഐ.വി.ആർ.ഐ. (Indian Veterinary Research Institute), എൻ.ഡി.ആർ.ഐ. (National Dairy Research Institute)സ്ഥാപനങ്ങൾ, അമൃത യൂണിവേഴ്സിറ്റി, മണിപ്പാൽ യൂണിവേഴ്സിറ്റി എന്നിവിടങ്ങളിൽ ഗവേഷണം നടത്താം. അമൃത യൂണിവേഴ്സിറ്റിയിൽ മോളിക്യൂലർ മെഡിസിൻ, നാനോ മെഡിസിൻ എന്നിവയിൽ ബിഎസ്സി പ്രോഗ്രാമുകളുണ്ട്.

മോളിക്യൂലാർ ബയോളജിക്ക് വിദേശരാജ്യങ്ങളിൽ ഏറെ ഉപരിപഠന സാധ്യതകളുണ്ട്.

🔻അമേരിക്ക, ഓസ്ട്രേലിയ, യു.കെ., നെതർലൻഡ്സ്, കനേഡിയൻ സർവകലാശാലകളിൽ മികച്ച അണ്ടർ ഗ്രാജുവേറ്റ്, ഗ്രാജുവെറ്റ്, ഡോക്ടറൽ, പോസ്റ്റ് ഡോക്ടറൽ പ്രോഗ്രാമുകളുണ്ട്. ഇംഗ്ലീഷ് പ്രാവീണ്യ പരീക്ഷകളായ IELTS/TOEFL എന്നിവയോടൊപ്പം അമേരിക്കയിൽ ഗ്രാജുവെറ്റ് പ്രോഗ്രാമിന് ജി.ആർ.ഇ. സ്കോർ ആവശ്യമാണ്.അണ്ടർ ഗ്രാജുവേറ്റ് പഠനത്തിന് സാറ്റ്/എസിടി സ്കോർ വേണ്ടിവരും. വിദേശ പഠനത്തിനായി നിരവധി സ്കോളർഷിപ്പുകളും, ഫെല്ലോഷിപ്പുകളുമുണ്ട്. 

▪️എറാസ്മസ് മുണ്ടസ്, ഫുൾബ്രൈറ്റ്, ഫെലിക്സ്, ഡിഎഫ്ഐഡി, UKIERI സ്കോളർഷിപ്പ്/ഫെല്ലോഷിപ്പ് പ്രോഗ്രാമുകളുണ്ട്.

തൊഴിൽ സാധ്യതകൾ‼️

🔻മോളിക്യൂലാർ ബയോളജി പഠിച്ചവർക്ക് വിവിധ തലങ്ങളിൽ പ്രവർത്തിക്കാം. ഗവേഷണ സ്ഥാപനങ്ങളിൽ സയന്റിസ്റ്റ്, കോളേജ്/ യൂണിവേഴ്സിറ്റികളിൽ അധ്യാപകർ, റിസർച്ച് അസോസിയേറ്റ്, വ്യവസായ സ്ഥാപനങ്ങളിൽ ആർ&ഡി യൂണിറ്റുകൾ, മരുന്ന് നിർമ്മാണ കമ്പനികൾ, മോളിക്യൂലാർ ലബോറട്ടറികൾ എന്നിവിടങ്ങളിൽ വിവിധ തലങ്ങളിൽ പ്രവർത്തിക്കാം. നിരവധി സ്കിൽ വികസന കോഴ്സുകൾ ടെക്നിഷ്യൻ, സൂപ്പർവൈസർ, മാനേജീരിയൽ തലങ്ങളിലുണ്ട്. ലൈഫ് സയൻസിൽ ബിരുദം, ബിരുദാനന്തര പഠനം പൂർത്തിയാക്കിയവർക്കും മോളിക്യൂലാർ ബയോളജിയിൽ ഉപരിപഠനം നടത്താം.